Tað er eftur nógvur EM-fótbóltur í dag. Tveir dystir verða í bólki C, og ein verður í bólki B. Í bólki C spæla Ukreina og Norðurmakedónia klokkan 14.00, og í kvøld klokkan 20 spæla Holland og Eysturríki.
Stóri dysturin í dag verður klokkan 17, tá Danmrk tekur móti Belgia í Parkini í Keypmannahavn. Belgiski áleyparin og liðfelagin hjá Christian Eriksen í Inter Milan, Romelu Lukaku, heur boðað frá, at Belgia fer at sparka bóltin av vøllinum, tá tíggju minuttir eru spælir. Hetta fyri at klappa og heiðra Christian Eriksen, ið liggur á sjúkrahúsinum.
Ítróttarliga er trýst á Danmark at fáa stig. Óvæntaði ósigurin fyri Finnlandi ger at Danmark má helst fáa fýra stig í dystunum móti Belgia og Russlandi. Tað verður óvia stórur áhugi fyri dystinum, sum verður í Parkini frammanfyri 25.000 áskoðarum.
Belgia hevur Axel Witsel tøkan aftur, men hann hevur ikki spælt síðani januar. Kevin De Bruyne venur aftur, eftir at hann fekk ein skaða í andlitið í Champions League finaluni. Belgia verður tó uttan Timothy Castagne, ið fekk ein álvarsligan skaða í fyrsta umfarinum.
Bólkur B:
Danmark – Belgia (17.00)
Dómari: Björn Kuipers (Holland)
Leikvøllur: Parkin, (Keypmannahavn, Danmark)
Danmark (3-4-3): Schmeichel - Kjær, Christensen, Vestergaard - Wass, Højbjerg, Delaney, Mæhle - Skov Olsen, Poulsen, Braithwaite
Belgia (3-4-3): Courtois - Alderweireld, Boyata, Vertonghen - Meunier, Dendoncker, Tielemans, T. Hazard - Mertens, Lukaku, Carrasco
Støðan:
1. Belgia 3
2. Russland 3
3. Finnland 3
4. Danmark 0
Bólkur C:
Her verða tveir dystir. Ukreina fekk einki fyri stríðið móti Hollandi í fyrsta umfari, men teir vísti ríkiligt av góðum spæli til at vinna á Norðurmakedónia. Holland og Eysturríki hava trý stig og ein javnleikur gangar báðum.
Ukreina – Norðurmakedónia (14.00)
Dómari: Fernando Andres Rapallini (Argentina)
Spillested: Arena Națională (Bukarest, Rumenia)
Ukraine (4-3-3): Bushchan - Karavayev, Zabarnyi, Matviyenko, Mykolenko - Malinovskiy, Sydorchuk, Zinchenko - Yarmolenko, Yaremchuk, Shaparenko
Nordmakedonien (3-5-2): Dimitrievski - Ristovski, Velkovski, Musliu - Nikolov, Bardhi, Ademi, Elmas, Alioski - Pandev, Trajkovski
Holland – Eysturríki (20.00)
Dómari: Orel Grinfeeld (Ísrael)
Leikvøllur: Johan Cruijff ArenA (Amsterdam, Holland)
Holland: Stekelenburg; Dumfries, De Ligt, De Vrij, Blind, Wijndal; F de Jong, De Roon, Wijnaldum; Depay, Weghorst
Eysturríki: Bachmann; Lienhart, Alaba, Hinteregger; Lainer, Laimer, Sabitzer, Grillitsch, Ulmer; Baumgartner, Kalajdzic
Støðan:
1. Eysturríki 3
2. Holland 3
3. Ukreina 0
4. Norðurmakedónia 0
