Kappingarárið hjá mansliðnum hjá Neistanum hevur higartil ikki verið serliga væleydnað. Tó kom vend í í síðstu viku, tá ið neistamenn, líka sum øll onnur lið í deildini, vunnu ímóti Team Klaksvík. Undan tí dystinum hevði Neistin tapt fýra dystir á rað.
Í dag var dystur í høllini á Hálsi, har Neistin fekk vitjan av StÍF. Dysturin var tættur og spennandi, men vóru tað neistamenn, ið sendu strandingar tómhentar heimaftur. Dysturin endaði 25-22 til Neistan. Hálvleiksstøðan var 14-14.
Úrslitið merkir, at Neistin framvegis er á næstniðasta plássi. Neistin hevur átta stig. Tó er stutt upp til nummar fimm í deildini, sum er StÍF. StÍF hevur níggju stig.
Málskjúttarnir í dystinum kunnu síggjast niðanfyri:
Neistin: Rói Berg Hansen 6, Teis Horn Rasmussen 6, Beinur Davidsen 3, Tommy Fletcher 3, Hjalti í Jákupsstovu 2, Andras Joensen 2, Sjúrður Thomasen 2 og Terji Mørk 1.
StÍF: Kjartan Johansen 7, Pætur Johansen 5, Sveinur Justinussen 4, Borgar M. Persson 2, Jógvan G. Joensen 2, Marius Joensen 1, Teitur Nielsen 1 og Pætur Joensen 1.
Støðan í FTZ deildini :
