Tað skal vera undarligt, um FM heitið í kappingini millum 5-mannafør við gentum ikki er á veg til Fuglafirðar. Á Norðoyastevnu vunnu genturnar í Fuglafirði sera sannførandi. Tá var munurin aftur til næsta bátin, sum var Ørnin úr Sandavági, tólv sekund. Í dag var Erla Kongsdóttir trettan sekund frammanfyri næsta bátin.
Í dag var Sílið næstbest. Tað vil siga, at umframt at tíðarmunurin var størri í dag, enn hann var fyri fjúrtan døgum síðani, so øktist stigamunurin eisini. Ørnin endaði á fimta plássi í dag, og Sílið, sum var nummar fýra á Norðoyastevnu, varð í dag næstfremst.
Jallurin, sum ikki var við á Norðoyastevnu, vann kappingina um triðja plássið við Blik av Argjum. Hjá Ørnini gekk tað ikki so væl í dag. Tær úr Sandavági endaðu á fimta plássi og høvdu bara Spógvan aftanfyri seg.
Úrslit
1 Erla Kongsdóttir 05:19.22
2 Sílið 05:32.06
3 Jallurin 05:32.24
4 Blikur 05:33.13
5 Ørnin 05:41.05
6 Spógvin 05:48.13
Støðan
1 Erla Kongsdóttir 14
2 Sílið 10
3 Blikur 9
4 Ørnin 9
5 Spógvin 5
6 Jallurin 5
7 Tjaldrið 2
8 Tambar 1
