Í minsta lagi 116 milliónir fólk í ES-londunum hava lívskor, sum eru niðan fyri tað ásetta fátækramarkið, men nú hevur samveldið gjørt av at veita teimum hjálp.
Tað verður gjørt við einum serligum fátækragrunni, sum ES-nevndin hevur samtykt at stovna. Grunnurin fær í fyrsta umfari 2,5 milliardir evrur at ráða yvir.
Tøl úr Bruxelles vísa, at 40 milliónir ES-búgvar hava ikki ráð at eta kjøt oftari enn triðja hvønn dag.
