- Fólkaflokkurin tekur frástøðu frá útmeldingunum hjá Huxa um fólkakirkjuni. So greiður er tingbólkur Fólkafloksins í tíðindaskrivi, sum Jógvan á Lakjuni, fyrrverandi landsstýrismaður í kirkjumálum, hevur sent.
Tíðindaskrivið frá tingbólki Fólkafloksins er soljóðandi:
»Tingbólkur Fólkafloksins tekur frástøðu frá útmeldingunum hjá HUXA um fólkakirkjuna.
Fólkaflokkurin stóð á odda í sambandi við yvirtøkuna av kirkjuni og tann karm kirkjan í dag virkar undir.
Flokkurin er tí ímóti at broyta skipanina, sum fólkakirkjan virkar eftir.
Á Løgtingi 11. mars 2010
Tingbólkur Fólkafloksins«
Tað var í Sosialinum í gjár, at forkvinnan í ungmannafelagnum hjá Fólkaflokkinum, Bjørk Olsen, vegna eina samda nevnd í Huxa, mælti til, at tær 10 milliónirnar, sum fólkakirkjan fær á fíggjarlógini, verða skornar burtur.
