Fólkavognur mest seldi bilur í Føroyum

Volkswagen er higartil í ár mest seldi bilur í Føroyum.

Tað vísa nýggjastu hagtølini frá Aktstovuni, sum hevur gjørt bilasøluna upp fyri tríggjar teir fyrstu mánaðirnar í ár.

Sølan av bilum veksur støðugt, og framgondin higartil í ár er eisini tann sama, sum hon hevur verið í longri tíð. Higartil í ár eru seld 606 nýggj akfør. Tað eru 56 fleiri enn somu tíð í fjør, ella ein vøkstur upp á 17,44 prosent.

Seinastu mongu árini hevur tað serliga verið Toyota, sum hevur verið mest seldi bilur í Føroyum. Í fjør og í 2013 var tað Citroen, sum vann á Toyota um at vera fremst. Í fjør varð seldur ein Citroen bilur fleiri enn Toyota.

Men higartil í ár er tað so Volkswagen, sum hevur tikið leiðsluna. Seldir eru 67 Volkswagen, 66 Toyota og 62 Citroen.

Skrásett nýggj akfør tríggjar teir fyrstu mánaðirnar í ár:

Her er vert at leggja til merkis, at á tíggjunda plássið er komin viðfestisvognamerkið Variant.

Samlað skráseting av nýggjum bilum av merkjunum Toyota, Citroen og Ford árini 2008-2015:

Skrásett nýggj akfør tríggjar teir fyrstu mánaðirnar í ár: