1. deild: Tey trý ovastu eru greiðir favorittar, tá ið tað í dag verður farið undan næsta triðingin av landskappingini. Seinnapartin er 10. umfar í næstbestu fótbóltsdeildini á skránni.
Kappingin um tey bæði plássini, sum bera uppflyting í bestu deildina við sær, hevur higartil verið millum Suðuroyarfeløgini FC Suðuroy og TB og AB.
Í dag eru hesi feløgini á útivølli.
FC Suðuroy er á veg til Runavíkar og NSÍ.
Tá ið liðini hittust á Vágseiði í 1. umfari vann heimaliðið 3-1.
AB riggar til at fara til Sørvágs. Í 1. umfari vann AB á Argjum 9-3 á teimum næstbestu hjá 07 Vestur.
TB er á veg í Gundadal, har FC Hoyvík verður vertur á niðara vølli seinnapartin. Tá ið liðini hittust í 1. umfari í Hvalba, vann TB 6-2.
Skála fær seinnapartin vitjan av teimum næstbestu hjá HB. Tá ið liðini í 1. umfari hittust í Gundadali, vann HB 4-0.
Síðsti dysturin verður í Leirvók kl. 19. Víkingur fær vitjan av EB/Streymi, sum í fyrsta umfari við Margáir vann 3-0 á Víkingi.
10. umfar í dag
NSÍ-FC Suðuroy: Rói Jacobsen kl. 15.15
Skála-HB: Dia Lamhauge kl. 15.15
07 Vestur-AB: Bárður Mortensen kl. 15.00
Víkingur-EB/Streymur: Bent Tommy Linklett kl. 19.00
FC Hoyvík-TB: Petur Reinert kl. 15.00
Støðan eftir 9 umfør:
FC Suðuroy 23
AB 21
TB 20
NSÍ 15
Skála 13
EB/Streymur 12
FC Hoyvík 10
HB 10
Víkingur 6
07 Vestur 0
