FCK vóru mettir sum stórfavorittar undan dystinum, av tí at FC Nordsjælland eru plágaðir av skaðum. Tað gekk eisini eftir uppskriftini hjá FCK, tá ið Atiba Hutchinson bankaði eitt langskot í netið eftir bert 8 minuttum. FCK hevði stóra leikliga yvirvág og fór førandi 1-0 til hálvleiks.
Leikliga yvirvágin helt sær allan dystin, men fótbóltur handlar um at skora. Hetta fingu FCK sannað, tá ið FC Nordsjælland púra óvæntað fekk javnað eftir 78 minuttum. 1-1 gjørdist eisini úrslitið.
FCK er framvegis trygt á odda í SAS-Liguni, eftir at liðið á 2. plássi, FC Midtjylland, bert megnaði at fáa eitt stig burturúr Randers.
