Dámar tær tøl, dátur og greiningar, og kundi tú hugsað tær at vera partur av eini fyritøku við góðum trivnaði, fakligum frælsi og ávirkan?
So er tað møguliga tær, vit leita eftir.
Um starvið:
Tú fært eitt fjølbroytt og ábyrgdarfult starv, har tú m.a. kemur at arbeiða við:
• Innan- og uttanhýsis fíggjarrapporteringum
• Røkt og skráseting av keyp og sølu av virðisbrøvum
• Gera upp íløguavkast, skaðatiltøk og krøv hjá endurtryggjarum
• Uppgerð av solvens
• Fíggjargreiningum og fráboðanum til leiðslu og myndugleikar
• Rapporteringar til nevnd
Vit vænta, at tú:
• Hevur viðkomandi útbúgving (HD, HA, Cand.merc ella líknandi)
• Hevur góðan førleika innan KT-amboð til fíggjar- og datagreining
• Hevur áhuga og dugnaskap til at arbeiða við greiningum og dátum
• Dugir væl at orða teg bæði munnliga og skrivliga
• Arbeiðir sjálvstøðugt og tekur ábyrgd, og hartil trívist við toymisarbeiði
• Ert góð/ur at skipa tína tíð og halda freistir
Tú kanst vænta:
• Eitt gott og avbjóðandi starv við kappingarførari løn, góðum setanartreytum, sjálvstøðugum arbeiðsøki og góðum møguleikum fyri støðugari førleikamenning.
• Partvís møguleika fyri at byggja starvið upp og mynda tað frameftir.
• Dugnaligar starvsfelagar og eitt umhvørvi, har vit eru fryntlig, hjálpsom, rúmlig og ikki minst geva rúm fyri skemti í gerandisdegnum.
• Starvsstað á Kongabrúnni við góðari kantinu og atgongd til vælumtókta fitnesshølið á staðnum.
• Starvið verður sett skjótast til ber - ella tá rætti umsøkjarin er funnin.
Um Fíggjardeildina:
• Fíggjardeildin hjá Betri Trygging hevur ábyrgd av m.a. dagliga bókhaldinum, roknskapargerð, fíggjargreiningum og fráboðanum til myndugleikar. Á deildini starvast 7 dugnalig og roynd starvsfólk saman við fíggjarstjóranum. Vit leggja dent á gott samstarv, fakliga menning og dygdargóð úrslit.
Samband:
Hevur lýsingin av starvinum fangað tín áhuga, send okkum so tína umsókn við lívsrensli og avriti av prógvum til [email protected] í seinasta lagi 14. juli.
Hevur tú spurningar, kanst tú seta teg í samband við Heina Joensen, fíggjarstjóra á 548 577 ella Rannvá Justinussen, HR-leiðara, á 548 575.
Vit gleða okkum at frætta frá tær.
Høvuðssætið hjá Betri Trygging er á Kongabrúnni í Havn, og hartil eru smærri deildir kring landið. Vit tátta í 100 starvsfólk tilsamans - hvør við okkara serkunnleika. Vit virða fakligheit, trivnað og menning - og eisini tað góða lagið. Vit eru partur av Betrisamtakinum, sum tú kanst lesa meira um her: www.betri.fo.
Vilt tú hava eina breiðari mynd av Betri Trygging, kanst tú lesa meiri á sosialu miðlum okkara:
Heimasíða: www.betri.fo/trygging vel “Um okkum”
Facebook: Betri Trygging
Instagram: @betritrygging)
