Genturnar av Tvøroyri vunnu aftur í dag kappróðurin millum 5-mannafør við gentum. Fyri einari viku síðani á norðoyastevnu í Klaksvík var munurin aftur til Jallin fýra sekund. Í dag var Firvaldur fremstur og aftur var Jallurin næstfremstur.
Firvaldur var fremstur allan túsund metra teinin. Kappingin um næstfremsta plássið var sera tøtt, og tá ið Silja og Jallurin fóru um málið var Jallurin bara eina rong ella so undan.
Í Klaksvík var Fípan Fagra úr Klaksvík nummar trý. Í dag endaði hon á fjórða plássi.
