Elbilafelagið Fisker Inc. hevur lækkað prísin á fleiri bilum sínum í USA, nú felagið er í fíggjarligum trupulleikum, skrivar miðilin Business Insider.
Týsdagin almannakunngjørdi felagið við danska Henrik Fisker á odda, at sniðið Ocean er vorðið næstan 6.700 dollarar bíligari – svarandi til eitt sindur meira enn 46.000 krónur.
Ocean, ein SUV, fæst nú fyri 37.499 dollarar – umleið 260.000 krónur.
Til samanberingar kostar ein Tesla SUV, Model X, í USA frá umleið 473.000 krónur.
Príslækkingin kemur, eftir at børsurin í New York mánadagin steðgaði handlinum við partabrøvum í Fisker Inc. við endamálinum av taka felagið av børsinum.
Boðini komu, eftir at ein møgulig avtala millum felagið og ein »stóran bilframleiðara« var endað úrslitaleys, sum fekk partabrøvini at fella í stórum.
/ritzau/
