Tveir dystir í bestu kvinnudeildini vóru sunnudagin. EBS/Skála avgreiddi sín setning soleiðis, sum tað kundi roknast við. Víkingur vitjaði og fór til hús við 5-0 tapi. Longu tá ein hálvur tími var farin, var støðan 4-0.
Hin dysturin var í Fuglafirði, har B36 vann 2-0. Grannauppgerðin á Argjum millum AB og HB varð útsett.
Orsaka av landsliðsavbjóðingini verður ikki spælt næsta vikuskifti. 29. september ella á mikkjalsmessu skal KÍ, sum mikukvøldið vann toppdystin í Klaksvík ímóti EBS/Skála 1-0, í Gundadal at dystast við HB. Hetta tykist vera einasta rættuliga forðingin hjá KÍ í strembanini fram ímóti fjúrtanda FM heitinum á rað.
EBS/Skála-Víkingur 5-0 (4-0)
1-0: sjálvmál 9.
2-0: Íðunn Magnussen 17.
3-0: Kára Djurhuus 25.
4-0: Sólja T. Eiðisgard 31.
5-0: Ansy Sevdal 72.
ÍF-B36 0-2 (0-1)
0-1: Elisabeth Vang 13.
0-2: Vár Næs 51.
AB-HB útsettur
mynd: nordlysid.fo
