Líkindini at íðka vóru góð, tó var eitt fitt lot av norði av og á, og á øllum sprintunum og longdarlopi var mótvindur uppá 3,0m/s ella meiri, skrivar www.athletics.fo Luttøkan var góð, samanborin við seinasta ár. Men ynskiligt er, at enn fleiri taka lut í FM á breyt.
Besta úrsliti í dag stóð 16-ára gamla Bjørk Herup Olsen úr Bragdinum fyri, tá hon einsamøll á 5.000m teininum setti nýtt føroyskt met við tíðini 18.53,1 min, sum er 8 sekund undir gamla metinum, sum gav Sunnuvu Bjarnastein eitt bronsuheiðursmerki á Oyggjaleikunum í Visby á Gotlandi 30. juli í 1999, tá hon rann teinin uppá 19.01,1 min.
Úrslitini frá FM á breyt, sum var á Svangaskarði seinnapartin í dag vórðu:
100 metrar, menn: 1 Nicolaj Falk, Nólsoy 11,8 sekund. 2 Daniel D. Rein, Bragdið 12,5 sekund. 3 Rógvi Højgaard, Hvirlan 12,5 sekund.
100 metrar, kvinnur: 1 Mona Breckmann, Argir 14,8 sekund. 2 Karina Petersen, Syðragøta 15,6 sekund.
200 metrar, menn: 1 Nicolai Falk, Nólsoy 24,2 sekund. 2 Daniel D. Rein, Bragdið 25,5 sekund. 3 Jóan Karl Joensen, Bragdið 25,6 sekund.
200 metrar, kvinnur: 1 Mona Breckmann, Argir 31,9 sekund. 2 Karina Petersen, Syðragøta 33,2 sekund.
800 metrar, menn: 1 Jóan Karl Joensen, Bragdið 2 min 8,1 sekund. 2 Djóni Højgaard, Bragdið 2 min 11,8 sekund. 3 Jan Elmar Sørensen, Treystið 2 min 25,6 sekund.
800 metrar, kvinnur: 1 Bjørk Herup Olsen(myndin), Bragdið 2 min 46,5 sekund. 2 Karina Petersen, Syðragøta 2 min 52,1 sekund.
5000 metrar, menn og kvinnur: 1. Guttorm Sørensen Treystið 17 min 37,6 sek. 2. Jan E. Sørensen Treystið 17 min 58,2 sek. 3 Hallur Holm Bragdið 18 min 3,6 sek. Kvinnur Bjørk Herup Olsen Bragdið 18 min 53,1 s.
