##med2##
Viborg vann eisini seinna dystin móti B36 í triðja undanumfarinum í Europa Conference League, tó munandi teprari enn á heimavølli, og hevði B36 fingið ein javnleik og stig til føroyska roknskapin hevði tað ikki verið forborgið.
B36 – Viborg 1-2 (0-0) - Viborg vinnur samanlagt 5-1, og møtir West Ham United í Play Off umfarinum til Europa Conference League.
0-1: Nils Mortimer 64.
1-1: Michal Przybylski 79.
1-2: Alassana Jatta 86.
Á ljóðfíluni omanfyri ber til at hoyra frá FM1:
1) Hoyr frásøgumannin, Trónd Arge og viðmerkjaran, Oddbjørn Joensen siga frá teimum trimum málunum.
2) Hoyr Oddbjørn og Trónd taka samanum eitt góðkent B36-avrik, har serliga fyrri hálvleikur stóð sterkur í myndini. Tað manglaði bara, at B36 fekk stig.