##med2##
Er tað torført at tippa eitt úrslit í fótbólti, so er tað mangar ferðir torførari at tippa eitt nágreiniligt úrslit í hondbólti. Somikið flottari er tað tá onkur megnar at tippa rætta úrslitið av einum hondbóltsdysti, enntá eftir longda leiktíð.
- Tað verður umdystur, og tað verður mitt í tjúgunum (also 25-25), og so vinna vit við einum máli.
Júst hetta segði og tippaði dugnaligi og royndi málverjin hjá H71, Ári E. Dam í hondbóltssendingini á FM1 ígjár.
Og tað bleiv júst so. Faxe Kondi steypafinalan millum H71 og Neistan fór í longda leiktíð, tað var "mitt í tjúgunum" - also 25-25 - og so vann H71 við einum máli 26-25.
Á ljóðfíluni omanfyri ber til at endurhoyra tippið hjá Ára E. Dam, ið nú er legendariskt í føroyskari hondbóltssøgu.
HER ber til at hoyra dystarendan av mansfinaluni og samrøðurnar reportarin hjá FM1, Sjúrður H. Hoydal gjørdi við 10 spælarar og venjaran hjá H71.
