Seinnapartin spennir FM1 seg aftur út við beinleiðis fótbóltsfrásagnum.
Klokkan 15 sigur Tróndur Arge beinleiðis frá dystinum millum nummar eitt og tvey farna kappingarár, HB og NSÍ sum spæla á ovara vølli í Gundadali í Havn.
Fylgt verður við í gongdini í dystunum Víkingur-TB í Sarpugerði í Norðragøtu og 07 Vestur-B36 á Dungasandi í Sørvági, ið eisini byrja klokkan 15.
Petur Asbjørn Lervig verður staddur á Svangaskarði saman við viðmerkjaranum, Jákup A. Olsen til dystin millum B68 og KÍ, ið byrjar klokkan 16.
Samrøður verða við umboð fyri tey ymisku liðini sum eru í leiki í dag.
Samrøður og hæddarpunkt koma út á in.fo seinni í dag.
