##med2##
- Hesin sigurin smakkar okkum væl. Hetta staðfestir høvuðsvenjarin hjá EB/Streymi, Jákup Martin Joensen aftaná góða 3-1 sigurin á Skála á útivølli. EB/Streymur hevur nú 10 stig og hevur níggju stig niður til Skála á aftasta plássi. Serliga fegin kann Jákup Martin vera um seinna hálvleik, har EB/Streymur var greitt omaná og kom til nógvar málmøguleikar.
Skála – EB/Streymur 1-3 (1-1)
0-1: Arnbjørn Hansen (5.)
1-1: Poul Kallsberg (25.)
1-2: Gutti Dahl-Olsen (55.)
1-3: Tóki Johannesen (90+)
Klæmint A. Olsen hjá NSÍ er søguligur toppskjútti í bestu føroysku fótbóltsdeildini við 195 málum. Nú liggja Arnbjørn Hansen og Jákup á Borg á einum deildum øðrum plássi við 153 málum hvør.
Jákup Martin Joensen er ikki í iva um, at Arnbjørn Hansen fer framum Jákup á Borg á søguliga listanum longu í ár.
Á ljóðfíluni omanfyri ber til at hoyra samrøðuna FM1 hevði við Jákup Martin Joensen.
HER ber til at hoyra samrøðuna FM1 gjørdi við liðskiparan hjá Skála, Pætur Dam Jacobsen.
