##med2##
Lars Müller sat tungt á heiðrinum "ársins dómari", men nú hann legði floytina frá sær skuldi annar vinnari finnast.
Tað gjørdist Alex Troleis av Toftum sum kom úr skugganum hjá Lars, og gjørdist ársins dómara í mansdeildini. Árni Petersen gjørdist ársins dómari í kvinnudeildini.
39 ára gamli Alex Troleis, sum er ættaður úr Brasil, men hevur búð í Føroyum síðani 2001, hevur dømt tilsamans 351 dystir í føroyskum fótbólti. Hann hevur verið FIFA-dómari síðani 2015. Júst farna kappingarár dømdi Alex 26 dystir í Betrideildini, harímillum FM-finaluna ímillum B36 og KÍ. Alex var tilnevndur til heiðurin saman við Eileri Rasmussen og Peturi Reinert.
Árni Petersen var tilnevndur saman við Jón Tór Baldvinsson og Stephani Peturssyni.
Á ljóðfíluni omanfyri ber til at hoyra frá FM1 løtuna tá Alex og Árni vóru kunngjørdir at verða ársins dómarar. Hoyr eisini samrøðuna Petur Asbjørn Lervig gjørdi við ársins dómarar.
##ms##
