##med2##
Vestmenningar hava fullført seinna dusinið. Mansliðið hjá VÍF vann ígjár 24. meistaraheiti í søgu felagsins.
Tað gjørdist veruleiki tá VÍF við einum rimmar avriki í seinna hálvleiki vann heili 34-24 á H71 í tí fjórðu FM-finaluni, ið var leikt í Hoyvíkshøllini ígjár. H71 var annars á odda 14-13 í steðginum, men H71 fór í svart í seinna hálvleiki, og VÍF spældi helst besta hálvleikin í hesum kappingarárinum.
VÍF vann samlað 3-1 í FM-finaluuppgerðunum í Burn mansdeildini.
4. FM-finalan: H71-VÍF 24-34 (14-13)
Toppskjúttar H71: Peter Krogh 7, Djóni G. Joensen 5, Pætur Thomsen 4.
Toppskjúttar VÍF: Hallur Arason 10, Filip Jojic 9, Heini á Heygum 5.
Á ljóðfíluni omanfyri ber til at hoyra frá FM1:
1) Endurhoyr dystarendan í Hoyvíkshøllini. Tróndur Arge segði frá og Teitur Joensen var viðmerkjari.
2) Hoyr samrøðurnar Sjúrður H. Hoydal gjørdi við fegnar spælarar, venjara og onnur umboð fyri VÍF aftaná dystin.
