Ætlanin var, at forsølan til Summar Festivalin skuldi enda mikukvøldið, men áhugin fyri at keypa atgongumerki í forsølu er framvegis so stórur, at fyrireikararnir hava gjørt av, at forsølan heldur fram til kl 13.00 í dag.
Atgongumerkini til Summar Festivalin kunnu keypast í Telebúðum, á Torginum í SMS og á heimasíðuni sf.fo. Øll hendan forsøla heldur fram til kl. 13.00 í dag, siga fyrireikararnir.
Tá festivalurin byrjar hósdagin ber til at keypa vikuskiftispass við dyrnar, men tá er prísurin hægri enn í forsøluni.
Einans 400 vikuskiftispass eru eftir, siga fyrireikararnir í dag.
Forsølan til Summar Festivalin hevur gingið óvanliga væl, og nú verða bert 400 vikuskiftispass afturat seld í forsølu.
Ongantíð áður hevur forsølan til Summar Festivalin gingið so væl sum í ár, og nú er av álvara farið at ganga undan við vikuskiftispassum.
Bert 400 vikuskiftispass afturat verða seld í forsølu, og síðani verða bert dagsbilettir at fáa.
Atgongumerki, sum verða keypt online í dag, skulu heintast í Kunningardiskinum við inngongdina til festivalin.
