Gongdin hjá Rumenia í undanbólki F hevur verið rættiliga sjáldsom.
Rumenar løgdu út, sum eitt ódnarveður ífjør. Teir vunnu fyrst 1-0 á Grikkalandi á útivølli, spældu síðani 1-1 ímóti Ungarn heima, vunnu so 2-0 á Finnlandi úti, og 2-0 á Norðurírlandi heima.
Í ár hava teir vunnið tepran 1-0 sigur heima ímóti Føroyum, og eftir hetta leiktu teir heilar tríggjar 0-0 javnleikir á rað. Fyrst 0-0 úti ímóti Norðurírlandi, síðani 0-0 úti ímóti Ungarn, og so 0-0 heima ímóti Grikkalandi. Farna hóskvøld leikti Rumenia javnleik 1-1 ímóti Finnlandi.
Í níggju dystum hava rumenar fýra sigrar, og fimm javnleikir, og eru sostatt ósigraðir higartil. Teir hava sjáldsama málmunin 8-2 eftir níggju dystir, og eru í tí støðu, at spæla teir javnt ella tapa ímóti Føroyum, og Ungarn samstundis vinnur á Grikkalandi á útivølli, so missir Rumenia 2. plássið til Ungarn.
| Nr. | Land | dystir | V | J | T | Mál + | Mál - | Málmunur | Stig | https://en.wikipedia.org/wiki/Northern_Ireland | https://en.wikipedia.org/wiki/Romania | https://en.wikipedia.org/wiki/Hungary | https://en.wikipedia.org/wiki/Finland | https://en.wikipedia.org/wiki/Faroe_Islands | https://en.wikipedia.org/wiki/Greece | ||||
|---|---|---|---|---|---|---|---|---|---|---|---|---|---|---|---|---|---|---|---|
| 1 | Norðurírland (Q) | 9 | 6 | 2 | 1 | 15 | 7 | +8 | 20 | Spæla seg beinleiðis til EM endaspælið | |||||||||
| 2 | Rumenia (X) | 9 | 4 | 5 | 0 | 8 | 2 | +6 | 17 | ||||||||||
| 3 | Ungarn (X) | 9 | 4 | 4 | 1 | 8 | 5 | +3 | 16 | Besti trýari ella spæla tveir play off dystir | |||||||||
| 4 | Finnland (E) | 9 | 3 | 2 | 4 | 8 | 9 | −1 | 11 | ||||||||||
| 5 | Føroyar (E) | 9 | 2 | 0 | 7 | 6 | 14 | −8 | 6 | ||||||||||
| 6 | Grikkaland (E) | 9 | 0 | 3 | 6 | 3 | 11 | −8 | 3 |
