31. januar í 2001 spældi svenska heimsstjørnan, Zlatan Ibrahimovic sín fyrsta landsdyst fyri tað svenska A-landsliðið í fótbólti.
Talan varð um ein vinardyst, sum var spældur í einari innandura fótbóltshøll, nevnliga "Tipshallen" í svenska býnum Växjö. Dysturin var ímóti Føroyum.
Dysturin endaði við javnleiki 0-0, har Jákup Mikkelsen vardi fyri einum brotssparki.
12. oktober spælir Zlatan Ibrahimovic aftur ímóti Føroyum. Hesaferð í einum HM-undankappingardysti, har Zlatan er vorðin liðskipari. Zlatan hevur higartil spælt 80 landsdystir, og hevur skotið 33 mál fyri svenska fótbóltslandsliðið.
Á myndini sæst Zlatan í nærdysti við Hans Fróða Hansen, tá Føroyar og Svøríki spældu í Tipshallen í Växjö, 31. januar í 2001.
