Í gjár vóru fyrstu dystirnir í Premier League eftir koronasteðgin. Manchester City vann 3-0 á Arsenal, meðan tað var stórur dramatikkur, tá máltøknin sveik í 0-0 dystinum millum Aston Villa og Sheffield United.
Stutt fyri hálvleik endaði málverjin hjá Aston Villa, Orjan Nyland, inn í egnum máli. Sjónbandaupptøkurnar vísa greitt, at bóltin er heilur innanfyri málstrikuna, men máltøkinin – Hawk Eye – gav einki tekin um at bólturin var innanfyri. Av tí sama valdi dómarin ikki at døma mál. Fólkini handan Hawk Eye hava biðið um umbering, og siga at hetta er fyrsta mistakið í 9.000 dystum.
- Eg veit ikki um eg skal flenna ella gráta. Hetta er væl millum tær heilt vánaligu avgerðirnar síðani tøknin kom í spæl. Eg vænti at hetta málið hevði verið givið ein sunnumorgun í lægri deildunum í Sheffield, sigur Chris Wilder.
Við javnleikinum er Aston Villa framvegis undir niðurflytingarstrikuni, meðan Sheffield United misti møguleikan at yvirhála Manchester United á fimta plássi. Manchester City er greitt á øðrum plássi við sigrinum á Arsenal.
| 1 | Liverpool | 29 | 27 | 1 | 1 | 66:21 | 82 |
| 2 | Manch.City | 29 | 19 | 3 | 7 | 71:31 | 60 |
| 3 | Leicester | 29 | 16 | 5 | 8 | 58:28 | 53 |
| 4 | Chelsea | 29 | 14 | 6 | 9 | 51:39 | 48 |
| 5 | Manch.Utd | 29 | 12 | 9 | 8 | 44:30 | 45 |
| 6 | Sheffield Utd | 29 | 11 | 11 | 7 | 30:25 | 44 |
| 7 | Wolves | 29 | 10 | 13 | 6 | 41:34 | 43 |
| 8 | Tottenham | 29 | 11 | 8 | 10 | 47:40 | 41 |
| 9 | Arsenal | 29 | 9 | 13 | 7 | 40:39 | 40 |
| 10 | Burnley | 29 | 11 | 6 | 12 | 34:40 | 39 |
| 11 | Crystal Palace | 29 | 10 | 9 | 10 | 26:32 | 39 |
| 12 | Everton | 29 | 10 | 7 | 12 | 37:46 | 37 |
| 13 | Newcastle | 29 | 9 | 8 | 12 | 25:41 | 35 |
| 14 | Southampton | 29 | 10 | 4 | 15 | 35:52 | 34 |
| 15 | Brighton | 29 | 6 | 11 | 12 | 32:40 | 29 |
| 16 | West Ham | 29 | 7 | 6 | 16 | 35:50 | 27 |
| 17 | Watford | 29 | 6 | 9 | 14 | 27:44 | 27 |
| 18 | Bournemouth | 29 | 7 | 6 | 16 | 29:47 | 27 |
| 19 | Aston Villa | 29 | 7 | 5 | 17 | 34:56 | 26 |
| 20 | Norwich | 29 | 5 | 6 | 18 | 25:52 | 21 |
