Svøríki og Føroyar hava nógv handilssamstarv. Vit keypa fyri eini 300 mio. krónur úr Svøríki og vit útflyta fyri eini 60 mio. krónur árilga í fiskavørum. S/PF Baldur, Tavan, Kósin og Norfra samstarva um útflutning til Svøríkis og ein samstarvfelagi er kenda felagið ABBA Seafood.
Tá nevndu útflytarar frættu, at Gøran Persson kom til Føroya, settu tey seg í samband við Løgmansskrivstovuna og spurdu, hvørt tað var gjørligt, at Gøran Persson kom á vitjan í Klaksvík, fyri at kunna seg um føroyskan fiskaútflutning og eisini tann týdning, tað hevur, at ein forsætisráðharri fyri eitt keyparaland vitjat framleiðarar. Hetta varð játtað og skráin fyri vitjanina í Klaksvík er henda:
17 August; Gøran Persson til Vágar. Hann og fylgi fara til Klaksvikar við Silju. Kl 18.00 verður hann mottikin uttanfyri KÓSINA av Jóhannu á Bergi, sølustjóri hjá KOSIN SEAFOOD. Johan Mortensen, BALDUR, Jógvan Høj, Norðfra og Ingvar Joensen frá Tavuni.
Inni á Kósini fer Jóhanna á Bergi at hava eina framløgu um føroyskar fiskivinnu og vinnulív yvirhøvur.
Kl 19.20 verða Løgmaður og Steinbjørn Jacobsen, borgarstjóri, vertar við ein døgurða í Skálanum fyri umleið 80 gestum. Borðrreitt verður við føroyskum fiski og føroyskum øli frá Restorffs og Føroya Bjór.
