Fyri fyrstu ferð vórðu kort og vimplar nýtt sum amboð at samskifta við bátarnar við.
Ein bátur fekk gula kortið. Tað vóru kvinnurnar umborð á Gongurólvi, sum fingu ivasama heiðurin at skriva sítt navn inn í føroysku kappróðrarsøguna á henda hátt.
Kortið fingu tær fyri at stýra eftir skeivari boyu. Í fyrstu atløgu hevur kortið ongar avleiðingar. Tað hevur tað, um sama manning fær tvey kort afturat í ár, ella um ein bátur fær tvey gul kort á einari stevnu. So verður báturin koyrdur úr róðrinum.
