Guðrið og Bartal á pall í Reinsaríinum

Í annaðkvøld, týskvøldið, fara Guðrið Hansdóttir og Bartal Augustinussen á pall í Reinsaríðnum

Seinastu tíðina er Guðrið Hansdóttir fyrst og fremst kend sum partur í Byrta, men síðani seinastu fløguna hevur hon spælt saman við Bartali Augustinussen.

Fyrr í ár gav Guðrið Hansdóttir út fløguna, Taking Ship, har hon hevur sett orð til tekstir hjá týskaranum Heinrich Heine.

 Guðrið hevur sjálv havt meira at siga á hesari fløguni enn í Byrtu, og tónleikaliga er íblásturin frá svenskum poppi sum The Cardigans er týðiligur.

Orðini á nýggju fløguni eru á enskum uttan á “Tú hevur tær dýrastu perlur”, ið Pól F hevur umsett til Føroyskt, og tað er júst hesin føroyski sangurin, ið hevur gjørt um seg á føroyskum útvarpsstøðunum í ár.

Fløgan kom út í Týsklandi í januar, fyrst og fremst tí stórur áhugi var fyri Guðrið og hennara tulkingur av Heine, sigur Reinsaríið.