Gylfi Sigurðsson er nú søguligur toppskjútti hjá Íslandi

34 ára gamli, Gylfi Sigurðsson skrivaði seg í kvøld í søgubøkurnar, tá íslendska landsliðið í EM-undankappingarbólki J vann stórsigur 4-0 á Liktinstein á Laugardalsvøllinum í Reykjavík.

Gylfi Sigurðsson skoraði til 1-0 tá 22 minuttir vóru farnir av dystinum. Tá javnaði hann málmetið Eiður Smári Guðjohnsen og Kol­beinn Sigþórs­son við 26 málum fyri Ísland hava deilt. Alfreð Finnbogason økti til 2-0 beint undan steðginum.

Tá fýra minuttir vóru leiktir var søguskrivingin veruleiki. Tá økti Gylfi Sigurðsson, ið hevur verið burtur frá landsliðsfótbólti í trý ár til 3-0. Hansara mál nummar 27 fyri Ísland, og er hann nú søguligur málskjútti. Hákon Arnar Haraldsson økti til 4-0 tá 63 minuttir vóru leiktir.

Í sama bólki vann Slovakia 1-0 á Luksemborg á útivølli. David Duris skoraði sigursmálið tá 77 minuttir vóru leiktir av dystinum. Portugal vann stórsigur 5-0 á Bosnia Hersogovina á útivølli. Longu í steðginum var Portugal á odda 5-0. 

Cristiano Ronaldo betrar málmetið hvørja ferð hann skorar fyri Portugal. Og í kvøld skoraði hann mál nummar 126 og 127 fyri Portugal, tá hann skoraði til 1-0 og til 2-0. Tað fyrra málið var upp á brotsspark. Bruno Fern­and­es, João Cancelo og João Félix skoraðu hini málini hjá Portugal.

Portugal er langt síðani tryggjaðir EM-sess, og Slovakia er ógvuliga nær einum EM-endaspælsplássi. Ísland skal spæla dystir á útivølli móti Slovakia og Portugal, so tað fer at krevja eitt stórt undur um Ísland skal røkka EM-endaspælinum. 

Støðan: