Aftaná eina keðiliga byrjan við tveimum ósigrum upp í slag, hevur H71 spakuliga otað seg nærri oddinum. Nú eru hoyvíkingar nummar trý.
Í morgin vitjar Neistin í Hoyvík. Tað verður sanniliga ein styrkiroynd hjá hoyvíkingum, sum við einum sigri kunnu fáa spenning í aftur kappingina millum ovastu liðini, ið Neistin og KÍF hava verið á seinastu vikurnarn.
Team Klaksvík aftur
Team Klaksvík fær vitjan av kollfirðingum í morgin.
Klaksvíkingar hava tapt stórt og sannførandi í øllum landskappingardystunum higartil, og tað er millum lítið og einki sum bendir á, at teir brádliga fær at stjala stig frá KÍF.
Sunnudagin spæla Kyndil og VÍF í Havn.
