Tað var akkurát fyri hjá Vilhelmi Poulsen og liðfeløgunum í Hannover-Burgdorf í fyrsta dystinum í týsku Bundesliguni hetta kappingarárið.
Í ZAG Arena í Hannover frammanfyri 7.721 áskoðarum vann Hannover-Burgdorf tepran 32-31 sigur á Rhein-Neckar Löwen. Í steðginum vóru gestirnir á odda 14-13.
Vilhelm skoraði eitt mál upp á tvær málroyndir. Sambært almennu hagtølunum hjá Bundesliguni var Vilhelm á vøllinum í átta minuttir og 11 sekund í dagsins dysti.
Mikukvøldið klokkan 18 hevur Hannover-Burgdorf dyst á útivølli móti Erlangen.
