Sum vit hava skrivað her á in.fo, so løgdu báðir teir løntu skrivararnir hjá Fólkaflokkinum, Johnny í Grótinum og Regin W. Dalsgaard frá sær í kjalarvørrinum á orrustuni í Fólkaflokkinum.
Hanus Samró sigur, at hann nú er skrivari hjá Fólkaflokkinum.
Tað er annars Mona Breckman Wescott, sum er skrivari, men hon er í farloyvi, og vóru Regin W. Dalsgaard og Johnny í Grótinum settir sum skrivarar fyri hana. Tað stóð á heimasíðuni hjá Løgtinginum í síðstu viku. Hesa vikuna vóru nøvnini hjá teimum tikin burtur aftur, men nú er, sum Hanus Samró sigur, hann lønti skrivarin hjá Fólkaflokkinum, sum tað eisini stendur á heimasíðuni. Hanus Samró sigur, at hann tók við beinanvegin sum skrivari, men at tað er ikki varð formaliserað fyrr enn í vikuni.
Hanus Samró var eisini skrivari hjá Fólkaflokkinum í Løgtinginum frá 2018-2021. Hann var eisini løgtingsmaður fyri Fólkaflokkin frá 2011 til 2015.
Les eisini: Kanning: Andstøðan vinnur á samgonguni
Nýggja leiðslan í Fólkaflokkinum er uttan iva fegin í dag, tí veljarakanningin hjá spyr.fo, sum portalurin kunngjørdi í morgun, er søtur lensaður í mun til ta lemjandi kanningina, sum Kringvarpið kunngjørdi 14. november, tá Fólkaflokkurin minkaði niður í helvt og fekk bara fýra tingfólk. Sambært kanningini í morgun verður afturgongdin hjá Fólkaflokkinum bara helvtina so stór, 5,3 prosent og tveir tingsessir, og flokkurin fær seks tingsessir.
##med2##