Í vikuni varð ein skúlaskjóting í Finnlandi orsøk til, at ein 12 ára gamal drongur læt lív, og tvær gentur vórðu særdar.
Genturnar liggja báðar framvegis á sjúkrahúsi.
Í dag sigur finska løgreglan, at orsøkin til skjótingina, har ein 12 ára gamal drongur er undir illgruna, kann vera happing.
Hetta veit tíðindastovan, Reuters, at siga í dag.
Eftir hendingina, segði finska løgreglan, at skjótingin var løgd til rættis og framd á ein andstyggiligan hátt.
Onnur gentan, sum varð særd og framvegis liggur á sjúkrahúsi, hevði dupultan ríkisborgararætt.
- Ríkisborgararætturin hjá henni er í Finnlandi og Kosovo.
Løgreglan leggur aftrat, at drongurin, sum læt lív og onnur gentan, sum liggur á sjúkrahúsi, hava finskan ríkisborgararætt.