Norski Harald kongur er í dag útskrivaður av Ríkissjúkrahúsinum í Oslo, eftir at hann hósdagin varð innlagdur við fepri.
Tað upplýsir norska kongshúsið í stuttum tíðindaskrivi.
Kongshúsið lýsir støðuna hjá 85 ára gamla konginum at vera góða.
Harald kongur er á Ríkissjúkrahúsinum viðgjørdu fyri ígerð, boðaði norska kongshúsið frá í síðstu viku. Støðan hevur verið stabil.
Harald kongur hevur seinastu árini fleiri ferðir verið innlagdur.
Fyrst í 2020 var hann innlagdur á Ríkissjúkrahúsinum fyri svimbul. Hann gjørdist frískur og síðani útskrivaður tvær vikur seinni.
Seinni á árinum var hann aftur innlagdur. Her fekk hann eina væleydnaða hjartaskurðviðgerð, har hann fekk eitt nýtt hjartalok.
Í mars fyrr í ár varð hann staðfestur positivur við koronuvirusi.
Hann varð seinast undir skurði í 2021 fyri ein skaða í eini spong oman fyri knæið. Tann skurðviðverðin eydnaðist væl, og kongurin kom væl fyri seg aftur.
Í næstsíðstu viku var Harald kongur við í eini HM sigling í Genève í Sveis. Í tí sambandinum hevði hann vant, samstundis sum hann røkti sínar skyldur sum kongur.
Næsta evni á almenna kalendaranum hjá Haraldi kongi er eitt statsráð 12. august.
Haraldur kongur er langabbasonur danska Fríðrik VIII kong.
Men mótvegis Margretu drotning, sum hevur so nógv undan sær í ættini sum kongar, so hevur norski kongurin ikki so mong.
Tað var ikki fyrr enn Noreg í 1905 loysti frá samveldinum við Svøríki og gjørdist sjálvstøðugt land, at fólkið vildi hava ein kong sum ríkisovasta.
Harald kongur er bara tann triði í røðini í Noreg. Norska fólkið fylgir væl við honum, Sonju drotning, báðum børnum teirra og fimm abbabørnum teirra.
/ritzau/