Tað eru 11 fólk, sum kunnu veljast til formann í Fólkaflokkinum. 10 mans og ein kvinna. Tað eru 27 fólk, sum í kvøld fara at taka avgerðina, 26 mans og ein kvinna.
Jørgen Niclasen leggur frá sær sum formaður, tí eru bara 10 møguleikar. Tað eru fólkini, sum umboða flokkin á tingi og í landsstýri.
Fyri fyrstu ferð er tað púra opið, hvør skal vera nýggi formaður floksins. Tað var tað ikki 2007, tá Anfinn Kalsberg peikaði á Jørgen Niclasen sum nýggjan formann. Tað var tað heldur ikki í 1994, tá Anfinn Kalsberg tók við eftir Jógvan Sundstein. Og tað var tað heldur í 1980, tá Jógvan Sundstein tók við eftir Hákun Djurhuus.
Fólkaflokkurin hevur eina rættiliga sermerkta skipan at velja formann. Tað eru bara løgtings- og landsstýrisfólk floksins, sum kunnu veljast. Og fyri at kunna stilla upp, skalt tú hava fýra stillarar, sum skulu vera løgtings- ella landsstýrisfólk. Og hvør stillari kann bara vera stillari hjá einum valevni. Tað merkir, at í mesta lagi tvey fólk kunnu stilla upp.
Í floksleiðsluni hjá Fólkaflokkinum eru umframt løgtings- og landsstýrisfólkini formenninir í øllum lokalfeløgunum umframt ein persón úr hvørjum felag.
Tey 27 fólkini eru sambært heimasíðuni hjá Fólkaflokkinum hesi:
Árni Skaale, landsstýrismaður í fiskivinnumálum
Sólvit Emilsson Nolsø, landsstýrismaður í almannamálum
Uni Rasmussen, landsstýrismaður í fíggjarmálum
Christian Andreasen, løgtingsmaður, formaður fyri tingbólkin
Elsebeth Mercedes Gunnleysdóttir, løgtingskvinna
Beinir Johannesen, løgtingsmaður
Jógvan á Lakjuni, løgtingsmaður
Jákup Mikkelsen, løgtingsmaður
Jørgen Niclasen, løgtingsmaður, floksformaður
Jacob Vestergaard, løgtingsmaður
Heðin Zachariasen, løgtingsmaður
Símun Gullaksen, Norðoya Fólkafloksfelag
Hallstein Jacobsen, Norðoya Fólkafloksfelag
Eyðun á Lakjuni, Eysturoyar Fólkafloksfelag
Michael Dalbø, Eysturoyar Fólkafloksfelag
Áki Olsen, Norðstreymoyar Fólkafloksfelag
Bárður Poulsen, Norðstreymoyar Fólkafloksfelag
Jógvan Magnus (Eggaba) Andreasen, Vága Fólkafloksfelag
Høgni Egilstoft Nielsen, Vága Fólkafloksfelag
Rói B. Poulsen, Havnar Framburðsfelag
Regin W. Dalsgaard, Havnar Framburðsfelag
Ingimar Thomsen, Sandoyar Fólkafloksfelag
Leif Krogh Mortensen, Sandoyar Fólkafloksfelag
Jóhan Eli Poulsen, Suðuroyar Fólkafloksfelag
Knútur Nygaard, Suðuroyar Fólkafloksfelag
Erling Mørkøre, Huxa
Eyðstein Zachariasen, Huxa
