Róðrarsambandið Føroya hevur í kvøld kunngjørt hvørjir rógvarar skulu umboða føroysku tjóðina til heimsmeistaraheitið í innandura rógving.
Talan er um níggju rógvarar, tvær kvinnur og sjey menn. Tey eru:
Inga Weihe
Kem Weihe
Johannes Olsen
Bogi Olsen
Olaf Vestergaard
Jens Kristian Dam
Toni Dam
Dánjal Martin Hofgaard
Sarita Hansen
Heimsmeistaraheitið í innandura rógving verður 28. februar á Agganis Arena, ið er ein partur av lærda háskúlanum í Boston.
Allir rógvarnir hava tað seinasta árið vant eftir venjingarætlan, ið Eskild Ebbesen fleirfaldur Olympiskur meistari í rógving, hevur staðið fyri.
