Tað eru ikki koyrilíkindi á Vestmannavegnum í løtuni, og her er nærmast útideyðaveður.
Viðheftu mynd hevur borgarstjórin í Vestmanna kommunu, Pauli T. Petersen, lagt út á sína Facebook-síðu fyri løtu síðan.
- Hetta er tað ringasta, eg havi sæð á Vestmannavegnum, skrivar borgarstjórin, sum hevur búð í Vestmanna alt sítt lív.
Hann leggur aftrat, at hann er á veg til Havnar, nú hann hevur rent seg í vánaligastu koyrilíkindi, hann nakrantíð hevur upplivað.
Niðri í tráðnum undir myndini hjá borgarstjóranum á Facebook skilst, at fleiri bilar standa fastir á Vestmannavegnum.
Onkur fylgjari spyr borgarstjóran á tráðnum, um fleiri bilar standa fastir, og her svarar Pauli T. Petersen játtandi.
Sum skilst, eru eisini ring koyrilíkindi aðrastaðni í Føroyum í løtuni, og í Vágum eru bilar eisini fastir á veg niðan á Sandavágsháls.
