Í síðstu viku handaði Maskinmeistarafelagið síni krøv fyri sáttmálaøkið við fíggjarmálaráðið.
Krøvini fevna um limir felagsins, sum starvast hjá Vørn, Havstovuni og Strandfaraskipu Landsins.
- Vit ásanna, at hetta verða truplar samráðingar, um almennu Føroyar ikki skilja álvaran í okkara krøvum, nú lønin í dag er nógv minni verd, enn hon var í 2019.
Maskinmeistarafelagið sigur seg vóna, at arbeiðsgevarin virðir arbeiðstakaran við at geva honum virðiligar arbeiðsumstøður, tá ræður um arbeiðstíðir og virðing fyri frítíðini.
Í Maskinmeistarafelagnum siga tey, at partarnir nú eru farnir hvør til sítt at eftirmeta krøv og mótkrøv, og næsti fundur við fíggjarmálaráðið er avtalaður at verða mikudagin hin 25. oktober.
Maskinmeistarafelagið hevur eisini havt kunningarfundir við maskinmeistararnar, sum starvast á Sundsverkinum.
- Av tí, at maskinmeistarar á Sundsverkinum arbeiða í vaktarskiftum, vóru kunningarfundirnir hildnir í tveimum, soleiðis at allir høvdu møguleikan av luttaka.
Í Maskinmeistarafelagnum vísa tey á, at á hesum kunningarfundum vórðu ymisk sjónarmið havd á lofti í samband við sáttmálasamráðingarnar, sum liggja fyri framman.
- Vit takka fyri góða undirtøku og góðum kjaki í samband við sáttmálakrøv, hugsanir og hugskot, verður lagt aftrat.
