Í dag er seinasti dagur í innleiðandi umfarinum við HM í Japan.
Øll liðini spæla fimta og seinasta dystin í dag, og í morgun fullu fyrstu avgerðirnar í tøttum dystum.
Í bólki C høvdu Spania og Montenegro tryggjað sær luttøku og dystaðust í morgun um fremsta plássið og fýra stig við í høvuðsumfarið.
Spania vann dystin spennandi dystin 27-26, og hevur sostatt vunnið allar sínar fimm dystir. Montegro fær tvey stig við sær í næsta umfar, meðan Ungarn og Rumenia dystast um seinasta plássið í bólkinum klokkan 10.00 í dag. Eingin teirra fer at fáa stig við í høvuðsumfarið.
Dysturin ímillum Ungarn og Rumenia kann stroymast niðanfyri stigatalvuna.
| Bólkur C | Lið | Dystir | Málmunur | Stig |
| 1 | Spania | 5 | 56 | 10 |
| 2 | Montenegro | 5 | 14 | 8 |
| 3 | Ungarn | 4 | 29 | 4 |
| 4 | Rumenia | 4 | -9 | 4 |
| 5 | Senegal | 5 | -18 | 2 |
| 6 | Kasakstan | 5 | -72 | 0 |
<iframe width="560" height="315" src="https://www.youtube.com/embed/hzu1WogxFXA" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>
