Birgir Hansen og Kári Nielsen hava sagt upp sum venjarar hjá kvinnunum hjá Neistanum. Nógv bendir á, at Kári Horn verður nýggjur venjari í felagnum og at tað verður kunngjørt í kvøld.
Neistin hevur fingið 11 stig í tíggju teimum fyrstu umførunum í landskappingini. Tað røkkur til eitt fjórða pláss og fimm stig eru upp til fyrsta plássið, har vestmannakvinnur valda. Neistin tapti heili 32-24 í Vestmanna um vikuskiftið.
Tað hevur verið nakað av útskifting í hópinum hjá Neistanum og sum skilst, so eru avbjóðing við venjing. Tað er steðgur í landskappingini hjá kvinnum. Steypakappingin byrjar 21. januar í 2019. Sostatt fær Kári Horn møguleikan at seta sín dám á hópin.
