Nakrir spennandi og væntandi mennandi dagar standa fyri framman hjá U15-landsliðnum við dreingjum, sum í døgunum 14. til 19. oktober skal taka lut í EfB Spar Nord Elite Cup í Esbjerg í Danmark, skrivar heimasíðan hjá Fótbóltssambandinum.
Kappingin verður skipað sum ein menningarkapping, og eru tað fyri tað mesta lið úr Danmark, Svøríki og Týsklandi, ið luttaka. Síðan hálvan august hevur føroyska U15-landsliðið vant miðvíst til kappingina í Esbjerg, og nú er greitt, hvørjir teir 18 spælararnir eru, ið Áki Johansen, venjari, hevur úttikið.
Hópurin:
Torkil Árni G. Poulsen, B36
Sebastian Gullfoss, B36
Bogi J. Christiansen, B36
Dánjal Mørkøre, HB
Jákup Egholm, HB
Bogi á Reynatrøð, Víkingur
Jacob Bacalso, Víkingur
Jákup Henriksen, 07 Vestur
Jónas Nordendal, 07 Vestur
Jógvan á Lakjuni, ÍF
Torkil S. Debes Dahl, EB/Streymur
Mattias Dahl Djurhuus, TB/FCS/Royn
Torkil Skála, AB/B71
Elias á Lofti Gren, AB/B71
Aron Benjaminsen, Skála
Pauli Rasmussen, Skála
Josva Y. Signarsson, Skála
Sjúrður Saltá, B68
Áðrenn fráferð eru tríggjar venjingar á skránni, sum vera 3., 9. og 10. oktober. Skráin fyri EfB Spar Nord Elite Cup 2021 er ikki endaliga klár enn, men føroyska liðið kemur væntandi at spæla í alt fimm dystir, ið verða á venjingarvøllunum, ið liggja kring leikvøllin hjá Esbjerg fB.
