Innlánsyvirskotið í bankunum 1,8 milliardir í februar

Landsbankin: Innlánsyvirskotið í føroysku peningastovnunum var 1,8 mia. krónur í februar 2023.

Innlánsyvirskotið er innlán hjá føroyskum peningastovnunum íroknað útlendskar deildir, frádrigið útlán hjá somu. Samlaðu innlánini (uppsparingar) vóru í februar 2023 nærum 20,9 mia. kr., meðan samlaðu útlánini vóru góðar 19,1 mia. kr., sí mynd 1 niðanfyri.

Innlánsyvirskotið fall nógv í 2021 orsakað av søluni av donsku deildini hjá BankNordik.

Innlánini í føroysku bankunum eru síðani økt. Millum annað hevur privata vinnan økt um síni innlán hetta seinasta árið, og serliga er tað fiski- og alivinnan, sum hevur sett meira inn á konto í føroysku bankunum síðani á vári 2022.

(Tíðindaskriv frá Landsbankanum)