Amerikanski stongsulin av iranskum havnum er at skilja, sum brot á vápnahvíldina. Hetta sigur ein kelda, sum stendur iransku myndugleikunum nær.
- Amerikanski stongsulin kann merkja, at Iran fer at steingja Hormussundið aftur, veit iranska tíðindastovan, Fars, at siga.
Sagt verður, at Fars-tíðindastovan hevur tætt tilknýti til iransku kollveltingarhirðuna. Hesar útsagnir úr Iran er beint tað øvuta av tí, sum amerikanski forsetin, Donald Trump, segði fyrr í dag.
Donald Trump segði nevniliga, at Iran hevur lovað ongantíð at steingja Hormussundið aftur fyri skipaferðslu.
Í dag skrivaði iranski uttanríkisráðharrin, Abbas Araghchi, at Hormussundið nú er latið upp fyri allari vinnuligari skipaferðslu. Hetta skrivaði hann á sosiala miðlinum X, og her segði hann, at Hormussundið er lýst opið í tráð við vápnahvíldina í Libanon.
Ísrael og stjórnin í Libanon eru nevniliga samd um vápnahvíld, sum í fyrsta umfari skal vara í tíggju dagar. Týsdagin í síðstu viku samdust USA og Iran eisini um vápnahvíld í tvær vikur.
Ógreitt er tískil, hvørja av teimum báðum vápnahvíldunum Abbas Araghchi sipar til - antin tað er vápnahvíldin millum Iran og USA ella vápnahvíldin millum Ísrael og Libanon.
##med2##
