Ein av neyðhjálpargoymslunum fyri palestinsk flóttafólk í Gazageiranum er rakt í einum ísraelskum álopi í dag.
Talan er um eina goymslu hjá ST-hjálparfelagsskapinum, nevndur UNRWA.
- Vit kunnu vátta, at ein av goymslunum hjá UNRWA og útveitingarstøðin í Rafah eru rakt.
Tað sigur talsfólkið hjá UNRWA-hjálparfelagsskapinum, Juliette Touma.
Hon leggur aftrat, at eitt stórt tal av fólki fingu løstir í álopinum í dag.
- Enn hava vit ikki fingið neyvar upplýsingar um, hvat hendi, og hvussu mong starvsfólk hjá UNRWA eru rakt, sigur Juliette Touma.
Sambært palestinsku heilsumyndugleikunum lótu fýra fólk lív í ísraelska álopinum á neyðhjálpargoymsluna.
Tað er tíðindastovan NTB, sum ber hesi tíðindi úr Gazageiranum seinnapartin í dag.
