Forsetin í italska fótbóltssambandinum, FIGC, Gabriele Gravina, leggur frá sær, eftir at italiumenn ikki megnaðu at koma víðari til HM fyri triðju ferð á rað.
Tað upplýsir tíðindastovan Reuters.
Uppsøgnin kemur eftir bráðfeingis fund í høvuðssætinum hjá fótbóltssambandinum í Rom í dag.
Italia tapti týsdagin fyri Bosnia-Hersegovina eftir yvirtíð og brotssparkskapping. Bosnia-Hersegovina tók sostatt HM-atgongumerkið í staðin fyri Italia.
Hetta er triðja HM-endaspælið á rað, at fýra ferðir heimsmeistararnir ikki luttaka. Italia er tann fyrsta av tjóðunum, sum hava vunnið HM, sum ikki spælir FM-finalurnar tríggjar ferðir á rað.
Gravina segði annars eftir ósigurin, at hann fór ikki at leggja frá sær. Í staðin skuldi tað takast á nevndarfundi í næstu viku, um hann kundi halda fram í starvinum. Men soleiðis endaði tað ikki.
Eftir fiaskoina er trýstið á Gravina økt. Mikudagin heitti italski ítróttarráðharrin, Andrea Abodi, á fótbóltsforsetan um at leggja frá sær.
– Tað er greitt, at italskur fótbóltur skal byggjast upp av nýggjum. Tað byrjar við broytingum ovast í sambandinum, segði ráðfrúan.
Gravina hevur staðið á odda fyri italskum fótbólti síðani 2018. Í hansara tíð hevur verið eitt EM-steyp í 2021, men tveir HM-undankappingarfiaskoir.
Nýggi forsetin í sambandinum skal finnast á vali 22. juni.
Umframt Gravina hava gitingar verið um framtíðina hjá landsliðsstjóran, Gianluigi Buffon, og landsliðsvenjaranum, Gennaro Gattuso, eftir at Italia hevur mist undankappingina.
Sambært italskum miðlum, eitt nú Sky Sports Italia, er tað bara ein spurningur um tíð, áðrenn teir báðir eru lidnir í hvør sínum leikluti.
/Ritzau/
