Jóan Símun Edmundsson spældi allan dystin, tá OB á heimavølli í dysti í donsku superliguni tók ímóti Lyngby.
Tíverri fyri heimaliðið, OB gjørdist talan um enn ein ósigur, men Jóan Símun Edmundsson nýtist ikki at skammast um sítt avrik. Føroyski landsliðsleikarin skoraði einasta málið hjá OB í 1-2 tapinum ímóti Lyngby, og sambært sporten.dk spældi Jóan Símun ein góðan dyst.
Í 63. minutti var Jóan Símun Edmundsson hægstur í brotsteiginum hjá Lyngby, tá eitt hornaspark kom væl innfyri, og føroyingurin stútaði bóltin hegnisliga í netið til 1-1. Men Jeppe Kjær hjá Lyngby var munurin millum liðini. Við tveimum málum syrgdi hann fyri, at Lyngby slapp aftur til Sælands við øllum trimum stigunum. OB hevði málmøguleikarnar til at javna, men heimaliðið hevði ikki hepnið við sær.
Tað sær ikki serliga gott út hjá OB á stigatalvuni. Saman við Esbjerg liggja teir aftast við 11 stigum. Um 14 dagar hevur OB ein torføran heimadyst ímóti Brøndby.
Støðan í donsku superliguni :
| 1 | FCK | 15 | 10 | 5 | 0 | 33:7 | 35 |
| 2 | Brøndby | 15 | 8 | 5 | 2 | 34:12 | 29 |
| 3 | Midtjylland | 16 | 8 | 5 | 3 | 33:19 | 29 |
| 4 | Randers FC | 16 | 8 | 5 | 3 | 22:16 | 29 |
| 5 | Lyngby | 16 | 8 | 3 | 5 | 18:15 | 27 |
| 6 | SønderjyskE | 15 | 6 | 5 | 4 | 20:18 | 23 |
| 7 | AC Horsens | 16 | 5 | 6 | 5 | 20:23 | 21 |
| 8 | AaB | 16 | 5 | 4 | 7 | 16:23 | 19 |
| 9 | Nordsjælland | 16 | 4 | 5 | 7 | 23:29 | 17 |
| 10 | AGF | 16 | 4 | 5 | 7 | 20:26 | 17 |
| 11 | Silkeborg | 16 | 3 | 7 | 6 | 18:29 | 16 |
| 12 | Viborg | 15 | 3 | 3 | 9 | 16:24 | 12 |
| 13 | OB | 16 | 2 | 5 | 9 | 13:26 | 11 |
| 14 | Esbjerg | 16 | 2 | 5 | 9 | 17:36 | 11 |
