Á flokstingi hjá Tjóðveldi, sum byrjaði í Haraldsundi í gjárkvøldið og heldur fram í dag, varð Jónfríð Hjelm afturvald í starvsnevnd floksins. Valið stóð millum Jónfríð Hjelm og Mariu Kristinu Smith.
Norðoya Tjóðveldisfelag hevði Mariu Kristinu Smith í uppskoti til starvsnevndarlim.
Jónfríð Hjelm, sum hevur sitið í starvsnevndini seinni árini, og sum Suðuroyar Tjóðveldisfelag stillaði upp, valdi at stilla uppaftur
Eftir atkvøðugreiðslu fekk Jónfríð Hjelm 27 og Maria Kristina Smith 12 atkvøður.
Jónfríð Hjelm heldur sostatt fram í starvsnevnd Tjóðveldis.
