Nú byrjar at fyllast á plakatini hjá Okkara Voxbotn 2018. Tí í dag boða fyriskipararnir frá, at eisini Janus W. Mortensen og Jens Marni Hansen fara at framføra í Vágsbotni í summar. Og longu nú er greitt, at Nephew, Mike Perry, Gilli, Byrta, Hardinger Band, Swangah, Hamradun og Danny & The Veetos eisini verða millum nøvnini, sum fara á pall í Vágsbotni í 30. juni.
Janus W. Mortensen hevur hittað alt summar við lagnum “Mítt vakra Føroya land” og er hetta fyrsti sangurin, sum Janus hevur givið út á føroyskum. Og tað er einki at ivast í, at fólk veruliga hava tikið sangin til sín. Janus hevur gjørt sangin saman við millum øðrum Jens Marna Hansen, sum eisini fer á pall saman við Janusi á Okkara Voxbotn 2018.
Í 2014 gav Janus fløguna “Breathing” úr, har serliga sangurin “I Can Hear You Heartbeat” gjørdist kendur og bleiv nógv spælur á føroysku útvarpsrásunum. Fyri kortum gav Janus sangin “Liva Her og Nú” út, sum eisini verður nógv spældur.
Forsølan til Okkara Voxbotn 2018 hevur gingið sera væl. Bara nøkur heilt fá atgongumerki eru eftir á summum sølustøðum og fyriskipararnir vænta tí, at Okkara Voxbotn 2018 verður útselt áðrenn jól.
Meira enn hálvthundrað arbeiðsgevarar á Jobmatch!
Í næstu viku stendur Norðurlandahúsið at bresta við føroyskum arbeiðsgevarum, sum vilja koma á tal við lesandi ella fólkum við útbúgving, sum sóknast eftir starvi í Føroyum.
Jobmatch hevur veruliga vunnið sær sess sum afturvendandi starvstevna millum jóla og nýggjárs, og undirtøkan er vaksandi á hvørjum ári.
“Í ár var mest sum fullsett við fyritøkum og stovnum longu í oktober mánaði. Vit hava so roynt at útvega meira pláss í Norðurlandahúsinum, og á tann hátt hava vit fingið rúm fyri 52 arbeiðsgevarum” sigur Katrin I. Gregersen, samskipari av Jobmatch. Hetta er tað mesta nakrantíð.
Longu nú hava nógv fólk bílagt sær eitt JobPrát, og til ber at gera hetta umvegis hemasíðuna jobmatch.fo fram til 26. desember kl. 20. Men best er at bíleggja í góðari tíð.
“Tað er eitt sera breitt úrval av arbeiðsgevarum frá bæði privata og almenna geiranum, innan framleiðslu, handverk, tænastu og fyrisiting. Á heimasíðuni ber til at kunna seg um einstøku fyritøkuna ella stovnin” sigur Katrin.
Jobmatch starvstevnan verður hósdagin 28. desember i Norðurlandahúsinum. Tað er ókeypis at vitja Jobmatch.
Blíðar heilsur / Kind regards
Katrin I Gregersen Administration Manager Syntesa Partners & Associates Office: +298 333080 Mobile: +298 233081 Mail: katrin@syntesa.eu Skype: katrinjakobsen | |
Main office | Syntesa ApS - Strandgade 91, 4 - 1401 Copenhagen K - Denmark |
Spanish office | Rambla Exposició 89 1r 1ª · E-08800 Vilanova i la Geltrú · Spain |
Faroe Islands office | Fyri Oman Brúgv 2 · FO-510 Gøta · Faroe Islands |
