Tá grønlendska Landstingið kemur saman aftan á valið tann 12. mars, verður í hvussu er tann broyting, at the grand old man í grønlendskum politikki, Josef Motzfeldt, fer ikki at sita millum teir valdu tinglimirnar.
Josef Motzfeldt (myndin) varð fyrstu ferð valdur í Landstingið í 1987, og hann hevði boðað frá, at hann fór ikki at stilla upp á næsta vali.
Nú Josef Motzfeldt fer úr Landstinginum, er Ruth Heilmann úr Siumut tann tinglimurin, sum hevur sitið longt. Hon varð fyrstu ferð vald í 1995, og sambært flokkinum stillar hon uppaftur til valið 12. mars.
