Grækarismessuhaldið í Havn verður sunnudagin klokkan 15.00. Tað er Skótalið Sigmunds Brestissonar, sum skipar fyri.
Grækarismessudagur 12. mars, har skótarnir saman við borgarum í býnum, heilsa várinum og og flytifuglunum vælkomnumtil landið. Frá gamlari tíð er sagt, at Tjaldri, tjóðfuglur okkara kemur á grækarismessu.
Tað var Sverri patursson, sum fyrstur helt fólkafund á hesum degi í seinru helvt á 1930 árunum; loysunar orð hansara var: Latið smáfugl og heiðafugl hava fri!. Tað var Sverri Patursson sum heitti á skótarnar um at halda henda dagin í 1942, tí hann meinti at skótarnir livdi eitt við náttúruna.
Nú halda vit grækarismessu við skótaskrúðgongu og fólkafundum fleiri staðni í Føroyum og heilsa Tjaldrinum, vælkomið til land okkara aftur.
Allir skótar, úlvar, og títtlingar í Havn og á Argjum, fara at ganga skrúgongu og Havnar Hornorkestur spælir.
Øll skulu møta í sínum skótahølum klokkan 14. Klokkan 14.45 fer skrúðgongan úr Vágsbotni. Gingið verður eftir Bøgøtu, síðani eftir Tróndargøtu, Niels Finsensgøtu oman á Vaglið.
Sjálvt Grækarismessuhaldið verður á Vaglinum í Havn klokkan 15.
Í ár verður tað Kári Árting sum hevur verðið Fylkisstjóri í SSB og nú stjóri í Rit & Rák, fer at halda grækarismessurøðuna í ár.
