Tá ið síðsta bríksl fer at ljóða við Løkin í Runavík klokkan nakrar minuttir í níggju í kvøld, verður annar triðingurin av landskappingini í fótbólti av. Tá eiga øll liðini ein dyst eftir ímóti hvørjum øðrum.
Fyrsti dysturin í 18. umfari var í Klaksvík fríggjakvøldið, tá ið KÍ vann 2-0 ímóti Víkingi.
KÍ er fremst. Tvey lið hava møguleika at leggja seg undir liðina á KÍ. B36 eigur heimavøll ímóti EB/Streymi, og NSÍ eigur í kvøld heimavøll ímóti HB.
Í kappingini um at sleppa undan niðurflyting – um tað yvirhøvur verður talan um niðurflyting – verður heilt avgerandi dystur á Argjum seinnapartin, tá ið AB fær vitjan av ÍF.
Í Trongisvági hittast TB og Skála seinnapartin. Har er tað spurningurin um at vinna sætta plássið, sum verður nærri svari.
Ídag
NSÍ – HB: Kári J. á Høvdanum kl. 19.00
B36 – EB/Streymur: Bjarki Danielsen kl. 15.00
AB – ÍF: Oliver Reitala kl. 15.00
TB – Skála: Jóhan Hendrik Ellefsen kl. 15.00
Fríggjakvøldið 9. august
KÍ – Víkingur 2-0 (0-0)
1-0: Jóannes Bjartalíð 50.
2-0: Jóannes Bjartalíð 90.
KÍ | 16 | 12 | 2 | 2 | 38 | 11 | 38 |
NSÍ | 15 | 11 | 2 | 2 | 39 | 15 | 35 |
Víkingur | 18 | 11 | 2 | 5 | 38 | 24 | 35 |
B36 | 16 | 11 | 2 | 3 | 25 | 14 | 35 |
HB | 17 | 10 | 4 | 3 | 41 | 17 | 34 |
Skála | 17 | 7 | 0 | 10 | 18 | 21 | 21 |
TB | 17 | 5 | 3 | 9 | 15 | 31 | 18 |
EB/Streymur | 17 | 2 | 3 | 12 | 17 | 40 | 9 |
AB | 17 | 2 | 2 | 13 | 16 | 46 | 8 |
ÍF | 16 | 1 | 2 | 13 | 11 | 39 | 5 |
