Karin fullkomiliga tikin á bóli

- Hetta kemur púra óvæntað.

Tað sigur víntænarin á matstovuni, Koks, Karin Visth.

Hon er í uppskoti til at vera kosin besti víntænari í Danmark, ella Sommelier sum tað eitur á fakmáli.

Hini trý, sum eru í uppskoti, eru:

Nicolai Hyllested, Falsled Kro, Millinge,

Paolo Lolli, Casa d’Antino, København


Dietmar Weiss, Glostrup Park Hotel, Glostrup

Tey er øll trý garvað í fakinum við fleiri ára royndum á baki, men Karin Visth hevur bara verið víntænari í eitt ár.

- Tí kom tað ógvuliga óvart á meg, at eg skuldi vera í uppskoti, segði hon við Rás2.

Men hon tekur tað sum eitt stórt herðaklapp, sum eggjar henni at halda fram.

- Hetta vísir, at vit eru á rættari kós og at vit hava glaðar gestir og at eisini onnur í matstovuvinnuni halda at vit gera eitt gott arbeiði.

Les eisini: Karin í uppskoti til stóran heiður

Hon sigur at matstovan Koks, er væl kend í Danmark og tá ið hon frætti, at Koks ongan víntænara hevði, pakkaði hon kuffertið og flutti til Føroya.

Trýst á Pílin undir myndini og hoyr hana greiða frá